നേരിന്റെ വെളിച്ചം

നേരിന്റെ വെളിച്ചം തേടി നടന്നു;

നിഴലുകളുടെയക്ഷയപാത്രം കിട്ടി.

വഴിയമ്പലം തിരഞ്ഞു;

വിഷരൂപികളുടെ സത്രത്തിലെത്തിച്ചേർന്നു.

പിരിയാത്തസമ്പത്തു തേടി;

ചോർച്ചയുള്ള പകലുകൾ കിട്ടി.

കനൽക്കോട്ടയുടെ ഉയരങ്ങൾ തകർത്തു;

പ്രളയാന്ധതയുടെ പ്രവാഹത്തിലൊലിച്ചു പോയി.

പിന്നെ,

ധ്യാനത്തിന്റെ സൂര്യദ്വീപുകൾ തേടി യാത്രയായി;

ചാനലുകളുടെ കടൽക്കലമ്പലിൽ

ഒരു കട്ടമരത്തിലകപ്പെട്ടു.

അടിയറ്റ്‌,

വാക്കുകളുടെയതിരുകളിൽ അഭയം തേടി.

പ്രാണനപഹരിച്ച്‌ കവിതയെന്നെ

ചിത്രഗുപ്തന്‌ കൈമാറി.